80'sand90'smedley1.mp3
Tansan ag Baeanak sa May Naga
by Franklin R. Zabal
Hayra may akong istorya, natabo ra POLO sa may Naga,
Tatlo sandang mag barkada, si Oscar si Dodoy ako ro isaea.
Si Totong owa ko masayran ko siin baea.
Minatood ana ra, bukon it bugae lang ra singhan it iba
Mga trese anyos siguro kami o basi katorse pa
Mabuhay eot abi rato, mga dekada 60.
Owat kamit gina obra kundi mag hampang it tansan sa may plaza
Kun amat man ngani sa may peurtahan it simbahan sa harap it Naga
Ro among gina hampang kun owa eon tanzan hay rubber band baea
Amon ron nga pamapalipas oras dahil may amon nga ginabantayan mat-a
Umagi ro mga ga buhi it dinamita sa Akean sa may Naga.
Aba mangan-angan singhan ni Dodoy, hayra eon sanda
Hala sige dali, mauli na kita .
Gulping dumaeagan umuli si Oscar Si Dodoy at ako baea,
Pag-uli sa baeay, nagilis it short, dumaeagan sa may Naga,
Nag panago kaming tatlo, ginahueat namong pumutok ro dinamita.
Owa pa kami ka lingkod sa eogta hay humaboy eon sanda
Kabaskog ko eopok, matsa mabasag ro akong tenga,
Museon singhan ni Oscar maeonip kita,
Eomunip kaming tatlo kaibahan sanda,
Ro isaea pa ngani hay potoe eon ra alima.
Pag eunip namong tatlo hay abong hilong isda
May baeanak pa ngani ag maintok nga tilapia
Matinaw ro tubi kita mo gid sanda,
Mabakas gid ro sikup ko mga tawo ngara
Pero kaming tatlo, pag ahon pataas walang huling isda.
Gin-hueat eang namon pumanao sanda baea,
Pag panao it mga tawo nga nag dinamita
Bumalik kaming tatlo sa Akean sa may Naga,
Eomunip eoman ako si Oscar si Dodoy at walang ng iba.
Amon nga gin bo-oe ro Baeanak sa idaeom it baeas, may pang-ilabas na.
----------------------------------------------------------------------------------------
Baroto ni Tay Dolo
by Frank Zabal
Si Tay Dolo may Baroto, ro anang katig hay tatlo
Ikaw Manong hay Taga Rosario,ag gusto mong magtabok pa Kalibo
Owa kat it mahimo kundi magtabok pa POLO, kun indi ro imong baligya mag baho
Ikaw Inday taga Bulabud ag gusto mong mag pamakae it Manok Tuk tu ro ok!
Owa kat mahimo kundi sumakay sa baroto ni Tay Dolo nga ra anang Katig hay Tatlo
Ikaw Toto, gusto gid nimong bumisita sa Ermitanyo, owa kat mahimo kundi maagi sa POLO
Ag sumakay sa baroto ni Tay Dolo nga ra anang katig hay Tatlo.
Paano ko nasayran nga ro baroto ni Tay Dolo hay ra anang Katig hay Tatlo,
Dahil amigo, ako ro anang BANGKERO!
Sang-got ,Kawit, Hungot ang Tungog ni Tay PoLo
by Frank Zabal
Natandaan mo si Tay Polo, maisot nga tawo pero guapo
Mahugod nga Tiyo, abong tanum nga prutas sa eoyo,
Agahon pa hay sa eanas eot-a ga tabas it gamo
Kaiping ro anwang nga maitum-itum pa.
Si Tay Polo ngara hay mayad ga panang-got
Bitbit ro anang kawit ,sa hawak may sang-got, kaibahan ro tungog nga naka butang sa bote it pamada ngara.
Tungog nga pang kulor ko Tuba nga mahumot
Abaw Que Savoroso gid!Singhan kuno ni Lolo Nestor mo,
Alas singko y media it Hapon may akong nabatian
Pag tan-aw ko sa binatana si Tay PoLo pala
Naga panihoe-nihoe bitbit ro kawit nana
Para manang-got it Tuba ay ga hueat si LOLA.
Sangka grapon it tuba ni Tay Polo hilong eon Sanda
Ilong ni Lola Ilyang ma puea puea.
Matam-is nga tuba naduea ro problema
Tuba nga naghalin pa sa Niyog nga owa eon it bunga.
Isaeang adlaw baea, owa ako’t gina obra
Umadto ako sa likod, ga pitas it bayabas ag star apple kunta
Aba owo eot-a gale it bunga, naubos kot-a gale it baligya
Sa mga panday nga ga obra it talibong ag siyaw para ipatinda kay Tay Alba.
Akon kunta nga tuhilon baea, ro sambilog nga papaya nga ma dilaw dilaw pa
Ham-an baea nga ako gid nga sinaka randayang papaya, nga mataas mat-a
Habooe ko kunta ro bunga, pero , pesting yawa ro papaya natumba.
Aray sing-git ko tabangi ako, masakit akong likod tumama sa matig-ang eogta
Mayad ngani sa Tay Polo umagi pauli sa anda bit-bit ro sang-got ag kawit nana,
Hay ano ro natabo ay nga onga ra! Sing-git ni Tay Polo Navarro tiyo naton pala,
Maisot guapo pag Suming-git abot ra limog hasta sa baraka Ni Tay Dolo istambayan nanda,
Hala sige tumagilid ka, singhan ni Tay Polo,at hiluton kita, ay nga unga ra, kun owa si Tay Polo mo baldado ka na.
Si Tay Polo maisot pero guapo, maputi pag suming-git abot ro limog sa buong baryo,
Taga hilot maski sin-o, bitbi-bitbit ro hungot, kawit ag tungog para tumam-is kuno ro tuba sa naga hueat nga si LOLA.
Sabong ag Dama
by Frank Zabal
Si Nanay si Tatay, sandang daywa hay perming ga ilinaway
Kun may andang problema owat ko pag kutan-a
Si Tatay ngara pagbugtao anang alagang manok ro kahambae
Ro among idaeum it baeay hay manok ag baboy ro ga istar.
May ana pa nganing baeay baeay sa likod it baeay
Texas ag Bisaya ro ga istar!
Pero pag umabot ro bagyo igto man kami sa likod madayagan.
Sa baskog it hangin ro baeay namon matsa maeupad ro atop nana.
Si Nanay kun owat kina obra ---
Ga tilinahi it eambong , pantalon sa baeay ni Nay Pecta.
Kung owa ga tahi hay sa baeay ga pama lantsa,
Pag abot ala sais, mag eaha it humay, kon owat it bugas
Hay Franklin mag bayo ka ag pagkatapos hay umadto ka sa tindahan ni Nanay mong Deca.
Umutang ka anay, it de lata pag suea naton , Bakasa!
Pagkatapos it bayo, puma adto sa tindahan
Ni Tay Gario ag ni Nay Deca nga tiyo ag tiya ko man
Maski nahadlok ako at madueom sa gina agyan,
Singhan abi nanda it mga tigueang abo kunong aswang
Naga tueo ro euha umadto sa tindahan ni Nay Deca atubang it escuelahan.
Pag abot sa tindahan una gali si Tay Gario nagabantay,
Nag istambay anay ako sa madueom nga lugar
Paghalin ni Tay Gario sa sueod it tindahan
Binueosan ni Nay Deca halin kuno imaw sa kusina
Singhan ko kay Nay Deca, mayad ayad nga gabi-i
maski mahueoy-on sige lang tira
Nay Deca pautang
nga po ng de lata,
Sangka latang Ligo sardinas rondoyung maistan pwede ba,
Ag dugangan mo Nay Deca it sibuyas ag mantikang pang gisa.
Lista anay kuno, bayaran ni Nanay pag may kuarta.
Si Tatay pag Domingo ala singko it agahon bugtao eon
Naka pahaum ro kape ag saging, mainit pa
Mapanaw kuno kami, paadto sa bueangan bukid it Toralba,
Temprano pa Tay, akon malat-a , basi sampaeon pa
ako kun hambaean ko pa.
Daea ko ro manok Texas ag ro ay Tatay hay Bisaya ra ana.
Ag kaibahan ro pang tari isang dosena mataeom tanan sanda,
Maski maeayo ro bueangan ana git-a nga tikaron
Sa bukid pa it Torralba , maeapit ba ron?
Tatlong oras nga pinanaw bawat baeay maagihan kilaea si Tatay
Agi ay Tay Marce , Ilabas anay kita, ga dali kami singhan ni Tatay
Saeamat gid nga abo, ga dali kami ga hueat eon sanda.
Pasado alas dose umabot sa bueangan, Sa pula sa puti akong nabatian
Ga sining git sanda , lo dyes lo dyes indi ko maintidihan
Ako gusto ko lang tindang pagkaon sa sabungan
May suman nga maeagkit, ang sabong wala akong pakialam
Tatlong oras nga hinueat kay Tatay, mangan angan gumuwa imao
Nag daug kuno ro daywang Manok ag may bihag pang kaibahan.
Umuli kami nga masadya at may daeang bihag ag may pagkaon pang sobra
Nakabalik kami sa Polo alas dos na it aga-aga.
Kasangag ro mga manok sa idaeom it baeay namon, naka kulong sanda, masadya siguro at umabot ro amo nanda.
O’ Franklin pa bukae it tubi, ro manok nga bihag limpyuhan mo na
Akon anay tahiun ro atong Manok may sugat sa may gilid nana.
Pag ka limpyo mo matueog ka na,
Singhan ni Tatay pa kanta kanta pa
Ako, nag ilis it eambong at matueog na
Abo nga pangutana, sa isip ko lang baea,
Kung si Tatay nag daog ro manok nana,
Abo ra anang kwarta,
Bayaran baea nana ro utang kay Nay Deca,
O gamitun ro kwarta PANG KAPITAL SA DAMA?
=======================================
AberNano Sa Baryo
Hangin
mabaskog
Saka it niyog
Singhan ni Nanay
Pinayokan nga bagtis
Abaw masus tansya gid.
----------------------------
Adto sa eanas
sa pilapil
Booe it gutaw sinana
Pabukaea baea
Dugangi it upa
Pakan-a ro baboy
Agod may atong patyon
Sa Mayo fiesta euman don.
----------------------------
Isda isda sing-git nana
Manug baligya Agahon pa,
Naga biseklita, may busina pa
May bangeos sinana
Manong mabakae ka
Presko ag barato pa.
--------------------
Mag ilis ka, mapanao kita sa banwa
Ano ra atong obrahon sa banwa
Akong pangutana
Ay ga pamakae kita it
Pang tina ag tinagak baea
Ay ro birang hay kueang pa
Sa sibot ni Tay Dolo
Ag muskitero ni Nanay mong Umba.
--------------
Petromax
Pahauma ga panueo kita
Abo nga Tilapya
Sa idaeom it Naga
---------------
Kambueongan
Sa likod may uwakan
Pantat ag aeog-suk
Sag-ahon natong daywa.
----------------
Amboeong
Manamit kon kaunon
Asukae ang gawod
Hay suman eon don.
---------------------
Bilog ro buean
Mahampang kita sa kalsada
It tumba Preso hinduna
Foul-la Foul-la singit ko mga unga
Si Nay Paula na akig
Ham-an kuno it gina
Sing-git panga-ean nana.
---------------
May Sawa May Sawa
Sa idaeum it Kama
Dayagan ako sa Minuro
Manong Narding patya
Kaibahan si Tay Mador gin dakop nanda
Ga pang eono gali kuno,
Ano pa gin sumsuman nanda..
-------------------------
Anklin singhan ni Felma
Baesa paha-uma, matabok kita
Sa Rosario mamay-lihan kita
Pati Flash light daeha
Si Zaldy, Oscar, Viring, si Nong Budoy ag si Totong
Dae- hon naton ,Para masadya
----------------